Um reyklaus.isSpjallSíðan mínPrófStaðreyndirSenda vini

Um reyklaus.is

Svona virkar síðan

Þegar þú skráir þig færðu nokkrar spurningar sem þú þarft að svara. Það er mikilvægt að þú svarir eins satt og rétt og þú getur því þessar spurningar eru liður í því að hjálpa þér til að hætta að reykja. Upplýsingarnar, sem þú gefur út af reykleysisnámskeiðinu, eru dulkóðaðar og geymdar á öruggum netþjóni þannig að aðrir geta ekki bendlað upplýsingarnar við þig. Þegar innskráningunni er lokið geturðu farið inn á Mína síðu og skrifað eitthvað um sjálfa(n) þig sem þú vilt að aðrir geti séð, eða bara byrjað að skoða námskeiðið að eigin vild.

Námskeiðið á síðunni hefst á tveggja vikna undirbúningsskeiði áður en sjálfur lokareykdagurinn rennur upp. Gættu þess að muna eftir þessum dögum þegar þú ákveður lokareykdaginn. Góður undirbúningur auðveldar fólki að losna undan reykingunum. Þennan tíma er til dæmis gott að nota til að hugleiða vandlega mikilvægustu ástæðurnar fyrir því að þú vilt verða reyklaus, útvega þér nikótíntyggjó eða fara að einhverjum öðrum undirbúningsráðum sem finna má á reyklaus.is.

Ef þú hefur nú þegar ákveðið að hætta að reykja en vilt aðstoð við að standa við þá ákvörðun, geturðu vitaskuld stokkið yfir undirbúningsskeiðið og snúið þér að því að ræða málin og lesa um hvernig maður heldur sér reyklausum.