Um reyklaus.isSpjallSíðan mínPrófStaðreyndirSenda vini

Staðreyndir

Hættuaðstæður

Flestir lenda í þeirri stöðu að freistingin til að fá sér reyk er meiri en vanalega. Mikilvægt er að átta sig vel á hvar hættusvæðin eru og búa sig vel undir hremmingarnar. Gott er að fá hjálp annarra til að finna ráð við slíkum freistingastundum. Spyrjið til dæmis aðra á spjallsíðunni hvernig þeir sigrist á erfiðustu málum af þessu tagi eða fáið liðsinni ykkar nánustu.

Hér á eftir er nefndar nokkrar algengar hættur og tillögur um varnir gegn þeim.

Þegar ég er taugatrekkt(ur), kvíðin(n) eða reið(ur)

Mörgum finnst þeir slaka á ef þeir fá sér sígarettu þegar þeir eru spenntir á taugum, kvíðnir eða reiðir. Þetta skýrist aðallega af því að fólk þaggar þar með niður í fráhvarfseinkennunum. Nikótín er, líkt og koffín, örvandi efni sem gerir fólk dugmeira andlega og líkamlega og eykur þar með á taugaóstyrk, kvíða og reiði. Árangursríkara er að setja í gang andstætt ferli, sem sagt slökun. Slökunartækni af ýmsu tagi er afar áhrifarík gegn kvíða og henni er hægt að beita mjög fljótt og án þess að mikið beri á, hvar og hvenær sem er þegar fólk hefur æft sig í henni. Önnur aðferð er dreifa huganum. Þá er t.d. hægt að fara í gönguferð, lesa blöðin eða spila spil

Þegar ég er niðurdregin(n)

Hjá mörgum hefur reykurinn verið vinur sem þeir leita til þegar þeir eru niðurdregnir eða þeim leiðist. Þar sem tóbak er að auki örvandi geta menn verið dálítið þungir fyrst eftir að þeir hætta að reykja. Líkamshreyfing og félagslíf hjálpa oft. Önnur aðferð er að dreifa huganum. Fólk getur t.d. farið út að ganga, lesið blöðin, spilað spil eða spjallað við aðra á Opptur. Ef þú ert langt niðri töluverðan tíma getur borgað sig að ræða við heimilislækninn sem getur þá vísað þér til sálfræðings.

Þegar ég vil einbeita mér

Nikótín er örvandi og mörgum finnst það þess vegna bæta einbeitinguna. Það eru hins vegar til margar aðrar og hollari aðferðir til að gera það sama, t.d. líkamsþjálfun, hollt og reglulegt mataræði og streitumeðferð. Margir finna að einbeitingin verður sérlega slæm þegar þeir hætta að reykja. Þetta stafar af fráhvarfseinkennunum og lagast fljótlega. Þangað til geturðu prófað að skipuleggja hlutina aðeins betur en vanalega, t.d. með minnismiðum. Drekktu mikið vatn, reyndu að forðast það sem dreifir athyglinni (t.d. hljóð og hreyfingar, eða óleyst áhyggjuefni) þegar þú þarft að einbeita þér, og taktu þér hlé, dragðu djúpt andann með maganum og reyndu að slaka alveg á, einkanlega í háls- og axlavöðvum. Reyndu um leið að gleyma þér alveg og stara bara út í bláinn svo að heilinn fá líka hvíld.

Í félagsskap annarra

Hjá mörgum gegnir reykurinn félagslegu hlutverki. Ef þú umgengst mikið reykingafólk reynir þetta verulega á. Um tíma getur jafnvel verið nauðsynlegt að forðast alveg þá staði og tækifæri sem vekja hjá þér reykingaþörfina. Kannski geturðu stungið upp á að þið farið í keilu í staðinn fyrir að sitja á kaffihúsi? Síðan er mikilvægt að undirbúa sig vel fyrir fram. Gættu þess að vera sem allra minnst taugaóstyrk(ur), þreytt(ur) eða svöng/svangur. Það dregur úr viljafestunni. Farðu líka varlega í áfengið. Upphugsaðu góð og kannski gamansöm svör ef einhver skyldi bjóða þér reyk eða láta í ljós efasemdir um að þú getir hætt að reykja. Gott er að taka höndum saman við einhvern sem styður þig. Ef reykingaþörfin verður of sterk geturðu líka farið í smágönguferð eða dreift huganum á annan hátt.

Þegar ég held upp á eitthvað

„Nú á ég skilið að fá mér að reykja,“ segja margir reykingamenn. Finnst þér þú eiga eitthvað fleira skilið? Að halda upp á eitthvað er oft að veita sjálfum sér viðurkenningu. Hvernig væri að þú veittir sjálfum/sjálfri þér verðlaun fyrir að vera reyklaus næst þegar þú heldur upp á eitthvað? Þetta gæti t.d. verið ferðalag, ný flík, dekurtími við sjálfa(n) þig eða góð bók.

Þegar ég drekk áfengi

Það getur verið erfitt að standast freistinguna að fá sér sígarettu þegar maður hefur drukkið áfengi. Þess vegna getur verið snjallt að takmarka drykkjuna þegar tóbakið er tiltækt. Það er líka snjallt að búa sig undir slíkt fyrir fram og upphugsa ráð ef reykingalöngunin skyldi verða sterk, t.d. að fara út að ganga eða rabba við einhvern sem styður þig.

Þegar ég er innan um reykingamenn

Það getur reynt mikið á þann sem er nýhættur að reykja að vera innan um aðra sem reykja. Þess vegna er snjallt að búa sig andlega undir slíka fundi. Það er t.d. hægt að undirbúa svör ef einhver býður manni sígarettu eða hafa eitthvað í vasanum að fitla við.

Eftir matinn

Ef þú finnur til reykingaþarfar eftir matinn skaltu gæta þess að standa upp frá borðum þegar þú er búin(n) að borða og gera eitthvað til að dreifa huganum. Mörgum gagnast vel að bursta tennur eða tyggja tyggigúmmí strax eftir matinn. Minntu þig á að reykurinn gerir ekki matinn betri heldur slævir hann bragðlaukana.

Þegar ég drekk kaffi eða te

Ef þú finnur til reykingaþarfar þegar þú drekkur kaffi eða te getur verið snjallt að drekka eitthvað annað fyrst eftir að þú hættir að reykja. Koffín eykur oft reykingaþörfina. Svo er hægt að prófa að hafa eitthvað annað tiltækt með kaffinu eða teinu þegar þörfin gerir vart við sig, t.d. ávöxt eða vatn. Mörgum finnst gott að bursta tennur eða tyggja tyggigúmmí strax eftir að þeir hafa drukkið kaffi eða te. Minntu þig á að reykurinn gerir kaffi- eða tebollann ekki betri heldur slævir hann þvert á móti bragðlaukana.