Um reyklaus.isSpjallSíðan mínPrófStaðreyndirSenda vini

Staðreyndir

Félagslegur stuðningur

Fólki reynist léttara að hætta að reykja ef það hefur vini, fjölskyldu og vinnufélaga að styðjast við.

Að tilheyra hópi

Í margra augum eru reykingar hluti af sjálfsmynd þess sem reykir. Reykingarnar geta þá snúist um það að tilheyra tilteknum hópi og vera „ein(n) af okkur“, þótt fólk geri sér e.t.v. ekki alltaf skýra grein fyrir því. Þetta getur valdið því að reykingamanninum finnst þeir sem ekki reykja vera allt öðruvísi og frábrugðnir honum sjálfum. Þegar þannig er í pottinn búinn getur jafnvel farið svo að manni finnist maður ögra eða ógna sínum eigin hóp við það eitt að reyna að hætta að reykja. Þess vegna geta líka einstaka reykingavinir jafnvel reynt að vinna gegn átaki þínu til að hætta að reykja.

Sjálfsmynd

Það að hætta að reykja snýst ekki eingöngu um það að breyta hluta af eigin lífsstíl heldur einnig um að endurmóta sjálfsmyndina. Það er því bót að því að íhuga hvaða mynd maður hefur sjálfur af þeim sem reykja ekki. Ef sú mynd hentar þér ekki skaltu ákveða hvernig mynd þú vilt hafa af sjálfri/sjálfum þér sem reyklausri manneskju. Það hjálpar þér sjálfsagt að hugsa og tala um sjálfa(n) þig sem fyrrverandi reykingamanneskju þótt það kunni að vera einkennilegt í fyrstu.

Vanaleg félagshegðan

Þótt sumir líti ekki á sig sem miklar félagsverur hafa óskráðar reglur og álit annarra mikið að segja um hvernig menn haga sér. Þetta á bæði við gagnvart nánustu aðstandendum og samfélaginu í heild.

Slík vanahegðan smábreytist oftast þegar fram líða stundir og hún getur líka tekið breytingum í samræmi við það við tökum okkur fyrir hendur. Það er þess vegna einfaldara að vera reyklaus ef maður umgengst aðra sem telja reykingar of skaðlegar til að vera nautnarinnar virði.

Ef þú átt einhvern að sem er til í að styðja þig mun þér reynast auðveldara að hætta að reykja. Það hefur komið í ljós í rannsóknum að sumir vilja ekki láta sína nánustu vita að þeir eru að reyna að hætta að reykja. Vissulega minnka við það vonirnar og þrýstingurinn frá öðrum en um leið sviptir maður sig möguleikanum á að fá stuðning þeirra þegar kreppir að. Félagslegur stuðningur er mikilvægur þegar maður er að hætta að reykja. Það er því vonandi að þessi vefsíða nýtist til að auðvelda þeim sem vilja hætta, að fá slíkan stuðning og að sá stuðningur verði líka skemmtilegur.